Turkiyaning “Istanbul Bashakshehir” klubi matbuot xizmati o‘zbekistonlik yarim himoyachi Abbosbek Fayzullayevning transferi uchun to‘lovni amalga oshirish jarayonida texnik muammolar yuzaga kelganini ma’lum qildi. Bu haqda Championat nashri xabar berdi.
Fayzullayev hali ham “Bashakshehir” safida rasmiy debyutini o‘tkaza olmagani bo‘yicha: “Buning asosiy sababi nima?” — degan savolga klub matbuot xizmati quyidagicha javob bergan:
Pul bilan bog‘liq muammo yo‘q, biroq mablag‘ni o‘tkazish jarayonida qiyinchiliklar yuzaga kelmoqda.
Eslatib o‘tamiz, “Bashakshehir” 2025-yil iyul oyining oxirida Abbosbek Fayzullayev bilan besh yillik shartnoma imzolagan edi. OAV xabarlariga ko‘ra, transfer qiymati 7,5 million yevroga baholangan.
Ma’lumot o‘rnida, Fayzullayev 2023-yil avgust oyida Toshkentning “Paxtakor” klubidan “SSKA”ga 500 ming yevro evaziga o‘tgan edi. U Moskva klubi safida jami 72 uchrashuvda maydonga tushib, 8 ta gol va 22 ta golli uzatmaga mualliflik qilgan.
Izoh (0)