23-may kuni Qozog‘istonning Olmaota viloyatida MDHga a’zo davlatlar bojxona xizmatlari rahbarlari kengashining Huquqni himoya qilish bo‘linmalari rahbarlari qo‘mitasining 17-yig‘ilishi bo‘lib o‘tadi, deb yozadi “Kazinform”.
Qo‘mita majlisida Ozarbayjon, Armaniston, Belarus, Qozog‘iston, Qirg‘iziston, Rossiya, Tojikiston, O‘zbekiston bojxona xizmatlari huquqni himoya qilish bo‘linmalari delegatsiyasi rahbarlari va a’zolari, shuningdek, MDH Ijroiya qo‘mitasi, MDHga a’zo mamlakatlar Aksilterrorchilik markazi va MDH mamlakatlari chegara qo‘shinlari qo‘mondonlari kengashining koordinatsiya xizmati vakillari qatnashadi.
Yig‘ilishda MDHga a’zo davlatlar bojxona xizmatlarining bojxona sohasidagi iqtisodiy qonunbuzarliklarga, Afg‘oniston va Erondan narkotiklar kontrabandasiga qarshi kurash bo‘yicha qo‘shma chora-tadbirlari, transchegaraviy internet-savdo sohasidagi qonunbuzarliklar oldini olish bo‘yicha maxsus xalqaro bojxona operatsiyasi natijalari haqidagi masalalarni ko‘rib chiqadi.
Izoh (0)