23 май куни Қозоғистоннинг Олмаота вилоятида МДҲга аъзо давлатлар божхона хизматлари раҳбарлари кенгашининг Ҳуқуқни ҳимоя қилиш бўлинмалари раҳбарлари қўмитасининг 17-йиғилиши бўлиб ўтади, деб ёзади «Казинформ».
Қўмита мажлисида Озарбайжон, Арманистон, Беларусь, Қозоғистон, Қирғизистон, Россия, Тожикистон, Ўзбекистон божхона хизматлари ҳуқуқни ҳимоя қилиш бўлинмалари делегацияси раҳбарлари ва аъзолари, шунингдек, МДҲ Ижроия қўмитаси, МДҲга аъзо мамлакатлар Аксилтеррорчилик маркази ва МДҲ мамлакатлари чегара қўшинлари қўмондонлари кенгашининг координация хизмати вакиллари қатнашади.
Йиғилишда МДҲга аъзо давлатлар божхона хизматларининг божхона соҳасидаги иқтисодий қонунбузарликларга, Афғонистон ва Эрондан наркотиклар контрабандасига қарши кураш бўйича қўшма чора-тадбирлари, трансчегаравий интернет-савдо соҳасидаги қонунбузарликлар олдини олиш бўйича махсус халқаро божхона операцияси натижалари ҳақидаги масалаларни кўриб чиқади.
Изоҳ (0)