KXDR Janubiy Koreyadan shu haftada bo‘lib o‘tadigan Pxungeri yadro poligonining yopilish marosimiga kelishni rejalashtirayotgan sakkiz nafar jurnalist ro‘yxatini qabul qilib oldi, deb yozadi “TASS” Koreya Respublikasi birlashuv vazirligiga tayanib.
Muxbirlar Vonsan shahriga Janubiy Koreya hukumati tomonidan Seul yaqinidagi Sonnam aviabazasida shoshilinch tashkil etilgan charter reysi bilan jo‘nab ketadi. Ular allaqachon KXDRda bo‘lgan boshqa chet ellik muxbirlar bilan birga Pekin orqali ortga qaytadi.
Bungacha Pxenyan sabablarini izohlamagan holda Seuldan ro‘yxatni qabul qilishdan bir necha marta bosh tortgan edi. Taxmin etilishicha, bu Janubiy Koreya va AQSh hamkorligidagi harbiy manyovrlar bilan bog‘liq, buni KXDR 27-aprel kuni koreyalararo sammitda erishilgan kelishuvlarning buzilishi deb hisoblagan edi.
Izoh (0)