Donald Tramp AQShning sobiq prezidenti Jon Kennedi o‘ldirilishi bilan bog‘liq barcha hujjatlarni e’lon qilishga va’da berdi. Bu haqda u Twitter’dagi sahifasida ma’lum qildi, deya xabar beradi “Korrespondent.net”.
“Oq uy apparati rahbari general Kelli, MRB va boshqa muassasalar bilan jiddiy muhokamadan so‘ng Jon Kennedi bilan bog‘liq barcha hujjatlarni e’lon qilaman. Hozirda hayot bo‘lgan kishilar nomi va manzili bundan istisno”, — ta’kidladi AQSh prezidenti.
Tramp buni ochiqlik va shaffoflikni ta’minlash, shuningdek, fitna haqidagi har qanday gap-so‘zlarga chek qo‘yish uchun amalga oshirayotganini bildirdi.
Eslatib o‘tamiz, Trampning ko‘rsatmasiga binoan 26-oktabr kuni Kennedi o‘ldirilishiga oid 3 mingga yaqin hujjat Milliy arxivlar saytida joylashtirildi.
Izoh (0)