Ispaniya Konstitutsiyaviy sudi Kataloniya hukumatiga hududning bir tomonlama mustaqilligi borasidagi qarorini to‘xtatish uchun uch kun muhlat berdi. Bu haqda El Pais nashriga tayanib, “RIA Novosti” xabar qildi.
Kataloniya parlamenti 27-oktabr, juma kuni hudud mustaqilligi bo‘yicha rezolyutsiyani qabul qildi. Oradan bir soat o‘tgach, Ispaniya senati ispan hukumatiga Kataloniyada to‘g‘ridan to‘g‘ri boshqaruvni amalga oshirish imkonini beruvchi konstitutsiyaning 155-moddasini qo‘llashni tasdiqladi.
“Konstitutsiyaviy sud jeneralitet (hudud hukumati), Kataloniya parlamenti va prokuraturasiga mustaqillik borasidagi qarorni to‘xtatishi uchun uch kun muhlat beradi”, — deb yozadi nashr.
Izoh (0)