Dunyoning yetakchi mamlakatlari Kataloniya mustaqilligni tan olmadi va Ispaniyaning hududiy yaxlitligini qo‘llab-quvvatladi, deb xabar berdi “Korrespondent.net”.
AQSh prezidentining matbuot kotibi Sara Sandersning ma’lum qilishicha, Oq uy yagona Ispaniyani qo‘llab-quvvatlashini tasdiqlaydi.
Fransiya TIV rahbari Jan-Iv Le Drian fransuz hukumati Kataloniyaning mustaqillik deklaratsiyasini tan olmasligini va faqat rasmiy Madrid bilan muloqot o‘tkazishini ma’lum qildi.
“Men Kataloniyadagi vaziyat rivojini xavotir bilan kuzatyapman. Fransiya Ispaniyani kuchli va yagona davlat sifatida ko‘rishni istaydi. Bizning suhbatdoshimiz faqat bitta — bu Madrid hukumati”, — dedi Fransiya tashqi ishlar vaziri.
The Telegraph nashrining ma’lum qilishicha, Buyuk Britaniya bosh vaziri Tereza Mey ham yagona Ispaniya tarafini olgan.
Germaniya kansleri Angela Merkelning matbuot kotibi Shteffen Zaybert esa o‘zining Twitter’dagi sahifasida “Kataloniya mustaqillining bir tomonlama e’lon qilinishi Ispaniyaning hududiy yaxlitligi prinsiplarini buzayotganini” yozgan.
Kanada tashqi ishlar vazirligi vakili Endryu Lesli Kanada birlashgan Ispaniyani tan olishini va suveren davlatning ichki ishlariga aralashishni xohlamasligini ma’lum qildi.
Izoh (0)