Turkiya parlamenti mamlakat harbiy xizmatchilarini Qatardagi bazada joylashtirish va mahalliy jandarmeriyani o‘qitish bo‘yicha hamkorlikka ruxsat beruvchi qonunni qabul qildi. Bu haqda “RIA Novosti” xabar berdi.
Turk harbiylarining Qatarda joylashtirilishi ikki mamlakat o‘rtasida 2015-yilda imzolangan xavfsizlik sohasidagi va jandarmeriya xodimlarini o‘qitish bo‘yicha kelishuvi doirasida amalga oshirilishi bildirilmoqda.
Oldinroq Turkiya prezidenti Rajab Toyyib Erdo‘g‘on uning mamlakati Qatar yakkalab qo‘yilishini qo‘llab-quvvatlamasligi, o‘zaro aloqalarni davom ettirishi va inqirozni muloqot yo‘li bilan bartaraf etishga harakat qilishini ta’kidlagandi.
Eslatib o‘tamiz, Qatar hukumati mamlakatga oziq-ovqat mahsulotlari va suv yetkazib berish borasida ham Turkiya bilan muzokaralar olib bormoqda.
Izoh (0)