Туркия парламенти мамлакат ҳарбий хизматчиларини Қатардаги базада жойлаштириш ва маҳаллий жандармерияни ўқитиш бўйича ҳамкорликка рухсат берувчи қонунни қабул қилди. Бу ҳақда «РИА Новости» хабар берди.
Турк ҳарбийларининг Қатарда жойлаштирилиши икки мамлакат ўртасида 2015 йилда имзоланган хавфсизлик соҳасидаги ва жандармерия ходимларини ўқитиш бўйича келишуви доирасида амалга оширилиши билдирилмоқда.
Олдинроқ Туркия президенти Ражаб Тоййиб Эрдўғон унинг мамлакати Қатар яккалаб қўйилишини қўллаб-қувватламаслиги, ўзаро алоқаларни давом эттириши ва инқирозни мулоқот йўли билан бартараф этишга ҳаракат қилишини таъкидлаганди.
Эслатиб ўтамиз, Қатар ҳукумати мамлакатга озиқ-овқат маҳсулотлари ва сув етказиб бериш борасида ҳам Туркия билан музокаралар олиб бормоқда.
Изоҳ (0)