Biznesmen Alisher Usmonovning huquqshunosi Vladimir Usenko sud da’voni ko‘rib chiqish vaqtida Navalniyning barcha rasmiy talablarini nima sababdan rad etganiga tushuntirish berdi. Bu haqda RNS’ga tayanib, “Gazeta.ru” xabar qildi.
“Barcha rasmiy iltimoslar bizni da’vogarning aybsiz ekanligini isbotlash uchun yo‘naltirilgan edi. Biroq qonunga ko‘ra, ular o‘z filmida so‘zlangan narsalari haqiqat ekanligini isbotlovchi mavjud dalillarni sudga olib kelishlari kerak edi”, — dedi Usenko.
Usenko Navalniy huquqshunoslarining eng jiddiy iltimoslariga izoh berdi. Huquqshunosning aytishicha, u Navalniyning ish bo‘yicha harakatni to‘xtatish kerak, chunki da’voning asosiy maqsadi jamoatchilik manfaatini himoya qilish, shuningdek, ish prokuror yoki boshqa organ tomonidan ko‘rib chiqilishi lozim deb bergan iltimosnomasidan hayratlangan.
Usenko Rossiya bosh vaziri Dmitriy Medvedevning guvoh sifatida chaqirilishiga sud rad javobini berganligini mantiqiy deb hisoblaydi.
Eslatib o‘tamiz, 31-may kuni Moskvaning Lyublinskiy tuman sudida biznesmen Alisher Usmonov va muxolifatchi Aleksey Navalniy o‘rtasida sud jarayoni bo‘lib o‘tgandi.
Izoh (0)