Hindistonning Mumbay shahrida yashovchi 19 yoshli qiz telefonda gaplashayotib, poyezd tagida qolib ketdi, deb yozadi “Vesti.ru”. Beparvo holda ketayotgan qiz platformaga chiqib olishga ulgurmadi va poyezd tagida qolib ketdi. Xayriyat, u omon qoldi. Pratiksha Natekarning chap ko‘zi osti tirnaldi xolos.
Internetga joylangan videoda telefon orqali suhbatga berilib ketgan qiz platformaga qarab yugurgani, ammo unga chiqib olishga ulgurmaganini ko‘rish mumkin. Umidsizlikka tushgach, talaba qiz yuzini qo‘llari bilan yopib, yaqinlashib kelayotgan poyezdning to‘g‘risida turaverdi. Lahzalardan so‘ng qiz poyezd g‘ildiraklari ostida ko‘rinmay ketdi.
Platformada to‘plangan yo‘lovchilar qizni o‘ldi deb o‘yladi. Ammo jabrlanuvchi tezkorlik bilan vagon tagidan chiqa oldi. Uni kasalxonaga yetkazishdi, shifokorlar qizga yengil jarohatlar yetganini aniqladi, xolos.
Izoh (0)