8—9-iyun kunlari Ostonada Shanxay Hamkorlik Tashkilotiga a’zo davlatlar rahbarlari Kengashining majlisi bo‘lib o‘tadi, deb yozadi Kazakhstan Today.
Nashr eslatishicha, avvalroq Qozog‘iston prezidenti Nursulton Nazarboyev ShHT kun tartibidagi bir qator masalalarni aytib o‘tgan edi. Ular orasida tashkilotning atrof-muhitni qo‘riqlash sohasidagi hamkorlik konsepsiyasi, ekstremizmga qarshi kurash bo‘yicha ShHT konvensiyasini imzolash va ushbu masala bo‘yicha bayonot qabul qilish, shuningdek, tashkilotga a’zo davlatlarning narkotikaga qarshi strategiyasi bor.
Bundan tashqari, Nazarboyev bo‘lg‘usi sammit kun tartibidagi yana bir muhim masala Hindiston va Pokistonni ShHTga teng huquqli a’zo sifatida qabul qilish jarayonini yakunlash haqida qaror qabul qilishdan iborat ekanligini ta’kidladi.
Izoh (0)