Sony Pictures Animation kompaniyasi emodzilar haqidagi “Emodzi: Film” (Emoji: Movie) nomli filmning tizerini e’lon qildi, deb xabar bermoqda TJournal.
“Salom. Ko‘rib turganingizdek, men – emodzi. Birinchi filmimiz haqida e’lon qilishdan mamnunman”, – deydi charchagan emodzi tizer avvalida.
Film syujeti bo‘yicha emodzilar telefon ichidagi Tekstopolis messenjerida yashaydi va har bir emodzi faqatgina bitta yuz tuzilishiga ega bo‘ladi. Ammo bosh qahramon Jin bundan mustasno, u o‘z hissiyotlarini o‘zgartira oladi. Jin do‘stlari bilan telefondagi kodni to‘g‘rilab, hammaga o‘xshash uchun sarguzashtga otlanadi.
Kinokartinaning ovoz berish jarayonida qiziqchi Stiven Rayt, aktyorlar TiJey Miller, Jeyms Korden va Ilana Glazer ishtirok etdi. Film rejissori Entoni Leondis bo‘ldi.
“Emodzi: Film” kinokartinasining premyerasi 2017-yilning 4-avgustida bo‘lib o‘tishi rejalashtirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)