Eron poytaxti Tehronda 12—15-dekabr kunlari Muhammad (s.a.v.) payg‘ambar tavallud kuniga bag‘ishlangan 2-xalqaro “Payg‘ambarim (s.a.v.) — mehribonim” musiqa festivali bo‘lib o‘tdi. Bu haqda Oxus Culture xabar bermoqda.
Bu yilgi festivalda Afg‘oniston, Jazoir, Qozog‘iston, Qirg‘iziston, Pokiston, Tojikiston, Tunis va O‘zbekistondan jami 8 ta, Erondan esa 10 ta musiqiy jamoa ishtirok etdi.
Oxus Culture’dan “Daryo”ga ma’lum qilishlaricha, festivalda O‘zbekiston nomidan sozanda va xonanda, O‘zbekiston xalq hofizi O‘lmas Rasulov boshliq musiqiy guruh qatnashdi.
Festival qatnashchilari o‘z milliy, an’anaviy, xalq ijodiyotiga mansub kuy va qo‘shiqlarni taqdim etishlan tashqari, Muhammad (s.a.v.) payg‘ambarga bag‘ishlangan qo‘shiqlarni ham ijro etgan.
Festivalning barcha qatnashchilariga esdalik sovg‘alari topshirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)