O‘zbekiston xalq artisti Ozodbek Nazarbekov 17-dekabr, shanba kuni Turkmaniston poytaxti Ashxobodda konsert dasturini taqdim etdi. Bu haqda Atavatan Turkmenistan nashri xabar bermoqda.
Konsert Ashxoboddagi 10 ming tomoshabinga mo‘ljallangan Qishki sport turlari saroyida bo‘lib o‘tgan.
Xabar berishlaricha, Ozodbek Nazarbekov konsert davomida Turkmaniston prezidenti Gurbanguli Berdimuhamedov so‘zi va musiqasi bilan yozilgan qo‘shiqni ham kuylab, “tomoshabinlarning katta olqishiga sazovor bo‘lgan”.
Instagram’da Ozodbek Nazarbekovning Turkmanistondagi konsertidan videoparchalar e’lon qilingan.
“Yuqori haroratda sahnada! Sog‘lig‘ining yomonlashgani, kasallik ham san’atkorning konsertiga to‘sqinlik qila olmadi!”, — deb yozadi Instagram’dagi @fattohhoncom sahifasi.
https://www.instagram.com/p/BOJpz-RhIbh/
Avvalroq, Ozodbek Nazarbekov salomatligi yomonlashgani bois Toshkentda tashkil etilgan “Mavsum xitlari” konsert dasturida qatnasha olmagani haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)