Pokistonning yirik kinoteatrlari hind filmlari namoyishiga qo‘yilgan taqiqni bekor qildi. Bu mahalliy kinoijarachilar Bollivud mahsulotlaridan voz kechgani tufayli katta zarar ko‘rayotgani bilan bog‘liq, deb xabar bermoqda “Interfaks”.
Hind filmlari va teleradio mahsulotlariga taqiq oktаbr oyida, bahsli hudud bo‘lgan Kashmirda keskinlik kuchayganidan so‘ng joriy etilgandi. Rasmiylar buni ayrim hind kinokompaniyalari pokistonlik aktyorlar bilan hamkorlikni to‘xtatganiga nisbatan javob chorasi sifatida izohladi.
Ma’lumot uchun, mazkur taqiqqa qadar Pokistonda hind kinomahsulotlari namoyishini kuniga 86 daqiqa bilan cheklovchi qonun mavjud edi, biroq mamlakatda Bollivud filmlari juda ommalashganligi sababli unga ko‘pincha amal qilinmasdi.
Izoh (0)