Kuba inqilobi rahbari Fidel Kastroning hayotdan ketishi orol davlat taraqqiyotini to‘xtatib qolmaydi. Gavanada bir millionga yaqin kishi ishtirokidagi xotira aksiyasida qatnashgan Ekvador prezidenti Rafael Korrea shunday fikr bildirdi, deya xabar beradi “TASS”.
“Kuba inqilobiy e’tiqodi, betakror insoniy iste’dodi va qarshilik ko‘rsatish madaniyatining ajralmas qismiga aylanib qolgani uchun ham oldinga qarab yurishda davom etadi”, — deya ta’kidladi Korrea.
Janubiy Afrika prezidenti Jeykob Zuma o‘z chiqishida Kastroni XX asrning buyuk inqilobchilari va tarixiy arboblari qatoriga qo‘shdi. Uning o‘limi mamlakati uchun ham og‘ir yo‘qotish ekanligini bildirdi.
O‘nlab xorij delegatsiyalari ishtirok etgan tadbirni Kuba davlat kengashi va vazirlar kengashi raisi Raul Kastro boshqardi. Rossiya delegatsiyasini Davlat dumasi raisi Vyacheslav Volodin boshqardi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)