29-noyabr, seshanba kuni shiddat bilan qariyb 4 foizga pasaygan neft narxi Venadagi uchrashuvda OPEK a’zolari neft qazib chiqarish hajmini mushtarak tarzda kamaytirish haqida kelishib olishga erishishini kutish fonida tajanglik bilan yana o‘smoqda. Bu haqda “Interfaks” xabar berdi.
Brent neftining yanvar fyucherslari kotirovkalari Londonning ICE Futures birjasida Toshkent vaqti bilan 10:00 ga kelib, deyarli bir foizga o‘sdi va barreliga 46,82 dollarni tashkil etdi.
Nyu-York tovar birjasidagi (NYMEX) elektron savdolar chog‘ida WTI neftining yanvar fyucherslari narxi 0,5 foizga — barreliga 45,46 dollargacha ko‘tarildi.
Bitimga erishilgan taqdirda narxlar 50 dollar darajadan yuqori ko‘tarilishi, aks holda esa 40 dollargacha pasayib ketishi kutilmoqda.
Izoh (0)