Turkiya janubidagi Adana provinsiyasining Aaladag shahrida maktab yotoqxonasida kelib chiqqan yong‘in natijasida 11 nafar o‘quvchi qiz halok bo‘ldi, deb yozadi “Interfaks” mahalliy hukumatga tayanib.
Yong‘inda jami 12 kishi qurbon bo‘ldi, 22 kishi jarohat oldi.
“Biz yong‘inda 12 nafar fuqarolarimizni yo‘qotdik, ulardan 11 nafari — o‘quvchilar, bir nafari esa tarbiyachi. Yana 22 kishi jarohatlar oldi”, — dedi mahalliy gubernator Mahmud Demirtas. Ma’lumotlarga ko‘ra, halok bo‘lgan bolalarning barchasi — 11—14 yoshli qizlar.
Uning ta’kidlashicha, dastlabki ma’lumotlarga ko‘ra, yong‘inga elektr simlari bilan bog‘liq muammolar sabab bo‘lgan.
Yong‘in 29-noyabr kuni mahalliy vaqt bilan 19:25 (Toshkent vaqti bilan 21:25)da sodir bo‘ldi, uni o‘chirishga uch soatga yaqin vaqt ketdi.
Izoh (0)