Fransiya favqulodda holat rejimini yarim yilga uzaytirdi

Fransiya Milliy assambleyasi mamlakatdagi terrorchilik xavfi tufayli favqulodda holat rejimini yarim yilga uzaytirdi, deb yozadi “Gazeta.ru”.

Ta’kidlanishicha, favqulodda holat rejimi mamlakat hududida 2017-yil yanvari oxirigacha amal qiladi.

Avvalroq Fransiya sobiq prezidenti Nikolya Sarkozining “Respublikachilar” partiyasi favqulodda holat rejimini birato‘la olti oyga uzaytirishni taklif qilgan hamda ma’muriy tintuv o‘tkazib, kompyuter, mobil telefon va boshqa axborot saqlovchilarni musodara qilishni qat’iy talab qilib chiqqan edi.

14-iyul kuni Nitssada sodir bo‘lgan hujumdan so‘ng Olland mamlakatdagi favqulodda holat rejimini yana uch oyga uzaytirgandi.

Rejim Parijning “Bataklan” klubida sodir etilgan teraktlardan keyin kiritilgan edi.