BMT Suriyaning Livan bilan chegarasidagi Sergaya shahrida yashovchi 15 ming aholi uchun gumanitar yordam yetkazdi. Bu haqda 19-iyul, seshanba kuni bosh kotib rasmiy vakili o‘rinbosari Farhan Haq ma’lum qildi, deya xabar beradi “TASS”.
“Agentliklarimiz tomonidan tashkil etilgan avtokolonna borish qiyin bo‘lgan Sergaya shahridagi 15 ming kishi uchun o‘ta zarur bo‘lgan yordamni yetkazdi. Yuk mashinalari oziq-ovqat mahsulotlari, dori-darmon, gigiyena buyumlari, bolalar uchun ta’lim to‘plamlarini olib kelgan. Oxirgi bor ushbu shaharga 2016-yil fevralida yordam yetkazilgandi”, — deya ta’kidladi Farhan Haq.
Ma’lumot uchun, yil boshidan beri Suriyaning qamaldagi va borish qiyin bo‘lgan hududlarida yashovchi salkam 1 million aholi gumanitar yordam olgan.
Izoh (0)