Rossiyaning Qirg‘iziston va Tojikistondagi harbiy bazalarida hukm surayotgan jazirama harbiy xizmatchilar kun tartibiga o‘zgartirish kiritdi. Bu haqda Markaziy harbiy okrug (MXO) rasmiy vakili, polkovnik Yaroslav Roshchupkin ma’lum qildi, deya xabar beradi “TASS”.
“Harbiy bazalarda harorat 35 darajadan oshdi, kelgusi haftada esa 42—44 darajaga yetishi kutilmoqda. Shundan kelib chiqib, kun tartibiga o‘zgartirishlar kiritildi. Ertalabki turish bir soat oldinga — 05:30 ga surildi. Buning evaziga askarlar tushki uyqu payti, quyosh tig‘iga kelganda qo‘shimcha bir soat dam oladi. Jismoniy tayyorgarlik bo‘yicha mashg‘ulotlar ertalabga, texnik xizmat ko‘rsatish esa kechki soatlarga taqsimot qilindi”, — deya ta’kidladi vakil.
Roshchupkinga ko‘ra, komandirlarga xizmatchilarni quyosh ostida bo‘lishini imkon qadar qisqartirish haqida ko‘rsatma berilgan. Mashg‘ulotlar o‘tkaziladigan joylarda harbiy shifokorlarning mobil postlari va yopiq moslamalar o‘rnatilgan. Har soatda soyada dam olish uchun 10 daqiqa vaqt ajratilmoqda. Shaxsiy tarkibga oftob urganda birinchi yordam ko‘rsatish yuzasidan yo‘l-yo‘riqlar berilgan.
Izoh (0)