Rossiya bosh vaziri Dmitriy Medvedev vazirlar mahkamasining majlisida Turkiyadan sanksiyalarni olib tashlash uchun ko‘rsatma berdi. Bu haqda “RIA Novosti”ga tayanib, “Gazeta.ru” xabar bermoqda.
“Bunday ishlarni bosqichma-bosqich amalga oshirish kerak. Bu yerda asosiysi, rossiyalik ishlab chiqaruvchilar va bo‘shliqlarni yopishga ulgurgan hamkorlarga zarar yetkazmagan holda umumsiyosiy holatni yaxshilash maqsadida cheklovlarni bekor qilish kerak”, – dedi Medvedev.
Oldinroq Rossiya prezidenti Vladimir Putin hukumatga Turkiyaga nisbatan turistik cheklovlarni bekor qilishga ko‘rsatma bergandi. Bunday qaror Turkiya va Rossiya prezidentlarining telefon suhbati yakunlariga ko‘ra qabul qilingan.
Turkiya mahsulotlarining Rossiya bozoriga qaytishi uchun bir haftadan bir yarim oygacha vaqt o‘tishi mumkin. Importning qayta tiklanishi Rossiyada mahsulotlarning arzonlashishiga xizmat qilishi mumkinligi istisno etilmayapti.
Izoh (0)