Qozog‘istonning Qarag‘andi viloyatidagi maxsus operatsiya chog‘ida olti nafar diniy mutaassib qo‘lga olindi. Bu haqda mamlakat milliy xavfsizlik qo‘mitasi raisi Vladimir Jumakanov ma’lum qildi, deya xabar beradi “RBK”.
“Qo‘lga olinganlar salafiylik oqimiga mansub va barchasi mahalliy fuqaro. Maxsus operatsiya Aqto‘bedagi terakt bilan bog‘liq emas”, — deya ta’kidlagan Jumakanov.
Qo‘mita matbuot xizmatiga ko‘ra, 26-iyun, yakshanba kuni viloyatning Balxash shahri va Gulshod aholi punktida qo‘lbola portlovchi qurilmalar yordamida teraktlar uyushtirishni rejalashtirgan guruh faoliyatiga chek qo‘yildi. Qo‘lga olish chog‘ida guruh a’zolaridan biri o‘zini portlatib yubordi. Operatsiyada portlovchi qurilma qismlari, o‘qotar qurol va boshqa ashyoviy dalillar musodara qilingan.
Izoh (0)