Amerikalik tadqiqotchilar sariyog‘ning zarari haqidagi fikrlarni inkor etdi

Amerikalik diyetologlar sariyog‘ning zarari haqidagi keng tarqalgan fikrlarni inkor etdi. Bu haqda EurekAlert! xabar bermoqda. 

Tadqiqotchilarga ko‘ra, sariyog‘ iste’mol qilish umumiy o‘lim holatlari ortishi, yurak-qontomir kasalliklari yuzaga kelishi bilan bog‘liq emas, shuningdek, ikkinchi turdagi qand kasalligi rivojlanishi ehtimolini kamaytirishga yordam beradi. Bu xulosa agar inson kuniga 14 gramm (taxminan bir osh qoshiq) sariyog‘ iste’mol qilganida to‘g‘ri keladi. 

Olimlarning ta’kidlashicha, jamiyatda sariyog‘ga nisbatan salbiy munosabat shakllanishi ushbu mahsulot oddiy uglevodlarga boy ozuqalar (jumladan, non va non mahsulotlari) bilan birga iste’mol qilinishi bilan bog‘liq. Shu bilan birga, diyetologlar o‘simlik moylari (zaytun, zig‘ir, raps, soya) baribir hayvon yog‘lariga nisbatan afzalroq ekanligini bildirdi.