Россия бош вазири Дмитрий Медведев вазирлар маҳкамасининг мажлисида Туркиядан санкцияларни олиб ташлаш учун кўрсатма берди. Бу ҳақда «РИА Новости»га таяниб, «Газета.ru» хабар бермоқда.
«Бундай ишларни босқичма-босқич амалга ошириш керак. Бу ерда асосийси, россиялик ишлаб чиқарувчилар ва бўшлиқларни ёпишга улгурган ҳамкорларга зарар етказмаган ҳолда умумсиёсий ҳолатни яхшилаш мақсадида чекловларни бекор қилиш керак», – деди Медведев.
Олдинроқ Россия президенти Владимир Путин ҳукуматга Туркияга нисбатан туристик чекловларни бекор қилишга кўрсатма берганди. Бундай қарор Туркия ва Россия президентларининг телефон суҳбати якунларига кўра қабул қилинган.
Туркия маҳсулотларининг Россия бозорига қайтиши учун бир ҳафтадан бир ярим ойгача вақт ўтиши мумкин. Импортнинг қайта тикланиши Россияда маҳсулотларнинг арзонлашишига хизмат қилиши мумкинлиги истисно этилмаяпти.
Изоҳ (0)