Futbol bo‘yicha O‘zbekiston Oliy Ligasining 9-turida Toshkentning “Paxtakor” klubi hamshahri “Lokomotiv”ga imkoniyatni boy berdi. Uchrashuvdan keyin “paxtakorchilar” murabbiyi Grigoriy Kolosovskiy shogirdlari 11 emas, 15 kishiga qarshi kurash olib borgani haqida fikr bildirdi, deb xabar berdi “Championat.asia”.
Ma’lumot uchun, Toshkent derbisidan keyin uchrashuv nazoratchisi Artyom Arutyunov bosh hakam Ravshan Ermatovni 9 bahoga loyiq ko‘rdi. Uning yordamchilari Abduhamidullo Rasulov va Jahongir Saidov, hattoki, zaxira hakamiga qadar 9 ballga ravo ko‘rilgan. Referilarga berilgan baho PFL rasmiy saytining derbi uchun yozgan qaydnomasida aks etgan.
“‘Paxtakor’ni hisobdan chiqarishga erta”, — deb fikrini davom ettirdi “Paxtakor” ustozi Grigoriy Kolosovskiy. — “Matbuotda ‘Paxtakor’ avvalgidek emas, deb yozilmoqda. Ishontirib aytamanki, ‘Paxtakor’ o‘sha-o‘sha”.
“Paxtakor” bosh murabbiyi No‘mon Hasanov oilaviy sabablarga ko‘ra, klubning bir qator o‘yinlarida ishtirok eta olmadi. Shu boisdan matbuot anjumanlarida uning o‘rniga Grigoriy Kolosovskiy qatnashib keldi.
Toshkent derbisi 12-maydan 13-mayga o‘tar kechasi tungi soat 00:05 dan boshlab “Sport” telekanalida namoyish etildi. Keyinroq ijtimoiy tarmoqlarda “Lokomotiv” darvozasiga penalti belgilanishi mumkin bo‘lgan holatlar aks etgan videolar paydo bo‘ldi.
“Offside.uz” saytining Twitter’dagi sahifasi avvaliga “Lokomotiv” klubi tomonidan urilgan o‘yindagi yagona gol videosini joylashtirdi.https://twitter.com/offside_uz/status/730842520976953344
Birozdan keyin esa mezbonlar darvozasiga penalti belgilanishi mumkin bo‘lgan birinchi bahsli vaziyat sahifada aks etdi.
https://twitter.com/offside_uz/status/730847295890132992
Ikkinchi bahsli vaziyat aks etgan videoni joylashtirishda Offside.uz O‘zbekiston milliy terma jamoasi bosh murabbiyi Samvel Babayanning unga munosabatiga e’tibor qilishni so‘ragan. “Ushbu vaziyatda esa penalti bor-yo‘qligiga va albatta, O‘zbekiston terma jamoasi bosh murabbiyi Babayanga e’tibor bering”, — deb yoziladi tvitda.
https://twitter.com/offside_uz/status/730854936062349313
Ikkinchi bahsli vaziyat videosini yana bir bor tomosha qilish imkoniyati bor.
https://twitter.com/offside_uz/status/730854163261849600
Izoh (0)