Футбол бўйича Ўзбекистон Олий Лигасининг 9-турида Тошкентнинг «Пахтакор» клуби ҳамшаҳри «Локомотив»га имкониятни бой берди. Учрашувдан кейин «пахтакорчилар» мураббийи Григорий Колосовский шогирдлари 11 эмас, 15 кишига қарши кураш олиб боргани ҳақида фикр билдирди, деб хабар берди «Championat.asia».
Маълумот учун, Тошкент дербисидан кейин учрашув назоратчиси Артём Арутюнов бош ҳакам Равшан Эрматовни 9 баҳога лойиқ кўрди. Унинг ёрдамчилари Абдуҳамидулло Расулов ва Жаҳонгир Саидов, ҳаттоки, захира ҳакамига қадар 9 баллга раво кўрилган. Рефериларга берилган баҳо ПФЛ расмий сайтининг дерби учун ёзган қайдномасида акс этган.
«‘Пахтакоръни ҳисобдан чиқаришга эрта», — деб фикрини давом эттирди «Пахтакор» устози Григорий Колосовский. — «Матбуотда ‘Пахтакор’ аввалгидек эмас, деб ёзилмоқда. Ишонтириб айтаманки, ‘Пахтакор’ ўша-ўша».
«Пахтакор» бош мураббийи Нўъмон Ҳасанов оилавий сабабларга кўра, клубнинг бир қатор ўйинларида иштирок эта олмади. Шу боисдан матбуот анжуманларида унинг ўрнига Григорий Колосовский қатнашиб келди.
Тошкент дербиси 12 майдан 13 майга ўтар кечаси тунги соат 00:05 дан бошлаб «Спорт» телеканалида намойиш этилди. Кейинроқ ижтимоий тармоқларда «Локомотив» дарвозасига пенальти белгиланиши мумкин бўлган ҳолатлар акс этган видеолар пайдо бўлди.
«Offside.uz» сайтининг Twitter’даги саҳифаси аввалига «Локомотив» клуби томонидан урилган ўйиндаги ягона гол видеосини жойлаштирди.https://twitter.com/offside_uz/status/730842520976953344
Бироздан кейин эса мезбонлар дарвозасига пенальти белгиланиши мумкин бўлган биринчи баҳсли вазият саҳифада акс этди.
https://twitter.com/offside_uz/status/730847295890132992
Иккинчи баҳсли вазият акс этган видеони жойлаштиришда Offside.uz Ўзбекистон миллий терма жамоаси бош мураббийи Самвел Бабаяннинг унга муносабатига эътибор қилишни сўраган. «Ушбу вазиятда эса пенальти бор-йўқлигига ва албатта, Ўзбекистон терма жамоаси бош мураббийи Бабаянга эътибор беринг», — деб ёзилади твитда.
https://twitter.com/offside_uz/status/730854936062349313
Иккинчи баҳсли вазият видеосини яна бир бор томоша қилиш имконияти бор.
https://twitter.com/offside_uz/status/730854163261849600
Изоҳ (0)