Xalqaro futbol federatsiyasi (FIFA) sobiq prezidenti Yozef Blatter o‘zining kitobida futbolni yaxshi tushunadigan dunyo yetakchilari ro‘yxatini tuzib chiqdi. Bu haqda Sky Sports muxbiri Kave Solxekolga tayanib, “RIA Novosti” xabar berdi.
Blatter Xitoy rahbari Si Szinpinni mazkur ro‘yxatda birinchi o‘ringa qo‘ygan. JAR sobiq prezidenti Nelson Mandela va Rim papasi Fransisk ikkinchi hamda uchinchi, Rossiya yetakchisi Vladimir Putin esa to‘rtinchi o‘rinda qayd etilgan.
Buyuk Britaniya qirolichasi Yelizaveta II, Italiya sobiq bosh vaziri Silvio Berluskoni, Niderlandiya qiroli Villem-Aleksandr, Germaniya kansleri Angela Merkel, Fransiya sobiq prezidenti Jak Shirak va AQShning sobiq rahbari Bill Klinton “Blatter reytingi”da tegishli ravishda beshinchidan o‘ninchigacha bo‘lgan o‘rinlarni egallagan.
Izoh (0)