Халқаро футбол федерацияси (ФИФА) собиқ президенти Йозеф Блаттер ўзининг китобида футболни яхши тушунадиган дунё етакчилари рўйхатини тузиб чиқди. Бу ҳақда Sky Sports мухбири Каве Солхеколга таяниб, «РИА Новости» хабар берди.
Блаттер Хитой раҳбари Си Цзиньпинни мазкур рўйхатда биринчи ўринга қўйган. ЖАР собиқ президенти Нельсон Мандела ва Рим папаси Франциск иккинчи ҳамда учинчи, Россия етакчиси Владимир Путин эса тўртинчи ўринда қайд этилган.
Буюк Британия қироличаси Елизавета II, Италия собиқ бош вазири Сильвио Берлускони, Нидерландия қироли Виллем-Александр, Германия канцлери Ангела Меркель, Франция собиқ президенти Жак Ширак ва АҚШнинг собиқ раҳбари Билл Клинтон «Блаттер рейтинги»да тегишли равишда бешинчидан ўнинчигача бўлган ўринларни эгаллаган.
Изоҳ (0)