AQShning Texas shtatidagi ABC 13 telekanali muxbiri Stiv Kempion Xyustondagi toshqin haqidagi reportaj chog‘ida avtomobilida cho‘kayotgan amerikalikka yordam berdi. Bu haqda Daily Сaller xabar bermoqda.
Mashinani oqim olib keta boshladi, u yarmigacha suv ostida qoldi. Buni kuzatib turgan muxbir avtomobil ichidagi erkakni mashinadan chiqishga chaqira boshladi. Avvaliga erkak avtomobilini tashlab ketgisi kelmadi, biroq oxiri mashinadan chiqib, suratga olish guruhi tomon suza boshladi. Jurnalist unga oqimdan chiqib olishida yordam berdi. Biroz muddat o‘tgach, avtomobil butkul suv ostiga ketdi.
https://youtu.be/0kSGEFQ8CWo
Eslatib o‘tamiz, oldinroq Texas shtatidagi toshqinlar 5 kishining umriga zomin bo‘lgani haqida xabar berilgandi.
Izoh (0)