Ekvadorlik va kolumbiyalik qutqaruvchilar 18-aprel, dushanba kuni kechki payt Ekvadordagi zilziladan jabr ko‘rgan Portovexo shahridagi bino vayronalari ostida 40 soat qolib ketgan erkakni qutqardi. Bu haqda “RIA Novosti” xabar bermoqda.
El Comercio portali ma’lumotlariga ko‘ra, qutqarilgan kishi mehmonxona ma’muri bo‘lib ishlagan va tabiiy ofat yuz bergan chog‘da birinchi qavatda bo‘lgan. To‘qqiz qavatli bino to‘lig‘icha qulab tushgan, biroq Pablo Kordoba vayronalar ostida omon qoldi va hatto yaqinlariga qo‘ng‘iroq qilishga ham muvaffaq bo‘ldi.
Bir necha soat davom etgan urinishlardan so‘ng qutqaruvchilar Kordobani tosh qamaldan qutqardi. Zilzila chog‘ida xonalarida bo‘lgan besh nafar mijozning omadi kelmagan ko‘rinadi: bino bo‘laklari ostidan uch kishining jasadi topilgan, yana ikki kishining taqdiri noma’lum bo‘lib turibdi.
So‘nggi ma’lumotlarga ko‘ra, zilzila qurbonlari soni 413 kishiga yetdi.
Izoh (0)