Toshkent davlat iqtisodiyot universitetida Iqtisodiyot fakulteti hamda Magistratura bo‘limi tomonidan “Karyera kuni” axborot-tanishtiruv tadbiri o‘tkazildi.
Tadbirda Iqtisodiyot vazirligi, Oliy va o‘rta maxsus ta’lim vazirligi, Mehnat vazirligi, O‘rta maxsus kasb-hunar ta’limi markazi, “O‘zbekenergo”, “O‘zsanoatqurilishbank”, “Turonbank”, “Aloqabank”, “O‘zagrosug‘urta”, ALSKOM, “Imkon Plyus”, NEXT savdo-ko‘ngilochar majmuasi, Anglesey Food, “Korzinka.uz”, Redtag, CityTaxy, Pepsi Uzbekistan, “Planeta masterov”, LG kabi tashkilot va muassasalar, kompaniyalar ishtirok etdi.
- bitiruvchilarni ish beruvchilar tomonidan taklif etilayotgan bo‘sh ish o‘rinlari bilan tanishtirish, shuningdek, ularga mehnat bozori, mutaxassislarga ehtiyoj, korxona va tashkilotlarda ishga joylashish imkoniyatlari, mavjud bo‘sh ish o‘rinlari to‘g‘risida to‘liq ma’lumotlar berish;
- bitiruvchilarning maxsus, kasbiy va malakaviy bilimlari, qobiliyat hamda malakalari to‘g‘risidagi ma’lumotlarni ish beruvchilarga taqdim etish;
- ish beruvchi korxona va tashkilotlar bilan universitet o‘rtasida integratsion aloqalar o‘rnatish hamda o‘zaro manfaatli hamkorlik yo‘nalishlarini muhokama qilish, bitiruvchilarni kasbga yo‘naltirish, ishga taqsimlash va joylashtirish bo‘yicha shartnomalar tuzish;
- ish beruvchi korxona va tashkilotlarda bitiruvchilarning malakaviy amaliyot, stajirovkalarini o‘tkazish masalalarini muhokama qilish.
Ma’lumot uchun, hozirgi kunda Iqtisodiyot fakultetida bakalavriatning 5 ta ta’lim yo‘nalishi hamda magistratura bo‘limida 19 ta mutaxassislik bo‘yicha kadrlar tayyorlanmoqda.
Izoh (0)