O‘zbekiston Prezidenti Islom Karimov 6-aprel kuni “Islom hamkorlik tashkiloti Ustavini ratifikatsiya qilish to‘g‘risida”gi qonun (pdf)ni imzoladi, deya xabar bermoqda UzDaily.
Hujjat Qonunchilik palatasi tomonidan 2016-yil 18-martda qabul qilingan bo‘lib, Senat tomonidan 31-martda ma’qullangan.
Islom hamkorlik tashkiloti Ustavi Dakarda 2008-yil 14-martda qabul qilingan, bungacha u Islom konferensiyasi tashkiloti deb atalgan.
Ratifikatsiya islom moliya institutlari, xususan, Islom taraqqiyot banki moliyaviy resurslarini jalb qilishni kuchaytirish imkonini beradi.