60—65 yoshli havaskor sportchilar Amir Temurning 680 yillik tavalludi munosabati bilan 680 ming qadam yo‘lni piyoda bosib o‘tdi, deb yozadi UZ24.
Sayohatchilar guruhi besh kishidan iborat bo‘ldi. Ular o‘z yo‘lini Shahrisabzdagi sohibqiron tug‘ilgan Xo‘jailg‘or qishlog‘idan boshlab, uni Toshkentda tugatdi.
Marafon ishtirokchilari ushbu sayohat ular uchun murakkab kechganini, aprel uchun noodatiy ob-havo tufayli yo‘lda birdan sovuq tushib qolgani va sharros yomg‘irlar quyganini ta’kidladi.
Havaskor sportchilar ikki hafta davomida qariyb 385 kilometr yo‘l bosdi va Toshkentga 9-aprel kuni Amir Temurga bag‘ishlangan bayram tadbirlari vaqtiga yetib keldi.
Izoh (0)