Nepal g‘arbidagi tog‘larda so‘nggi ikki kun ichida ikkinchi marta yo‘lovchi samolyoti halokatga uchradi, deya xabar bermoqda Associated Press mahalliy hukumatga tayanib. Uning bortida 11 kishi bo‘lgan.
Hukumat vakili so‘zlariga ko‘ra, hodisa natijasida kamida bir kishi halok bo‘lgan. Samolyot Kasthamandap Airlines aviakompaniyasiga tegishli bo‘lgan. Qulashdan avval havo kemasida texnik nosozlik yuzaga kelgan, shundan so‘ng ekipaj tog‘dagi maydonga qo‘nishga qaror qilgan. Uchuvchilar manyovrni amalga oshira olmagan, natijada samolyot halokatga uchragan.
Ta’kidlanishicha, voqea joyi yetib borish qiyin bo‘lgan hududda joylashgan — u yerdan eng yaqin shahargacha kamida to‘rt soat yo‘l yurish kerak. Ayni paytda u yerga politsiyachilar va qutqaruvchilar yo‘l olgan, mamlakat poytaxti Katmandudan vertolyot uchib ketgan.
Eslatib o‘tamiz, 24-fevral kuni Nepal tog‘larida Tara Air kompaniyasining Pokxaradan Jomsom shahriga parvozni amalga oshirayotgan kichik yo‘lovchi samolyoti qulagan edi. Bortdagi 23 kishining barchasi halok bo‘ldi.
Izoh (0)