Непал ғарбидаги тоғларда сўнгги икки кун ичида иккинчи марта йўловчи самолёти ҳалокатга учради, дея хабар бермоқда Associated Press маҳаллий ҳукуматга таяниб. Унинг бортида 11 киши бўлган.
Ҳукумат вакили сўзларига кўра, ҳодиса натижасида камида бир киши ҳалок бўлган. Самолёт Kasthamandap Airlines авиакомпаниясига тегишли бўлган. Қулашдан аввал ҳаво кемасида техник носозлик юзага келган, шундан сўнг экипаж тоғдаги майдонга қўнишга қарор қилган. Учувчилар манёврни амалга ошира олмаган, натижада самолёт ҳалокатга учраган.
Таъкидланишича, воқеа жойи етиб бориш қийин бўлган ҳудудда жойлашган — у ердан энг яқин шаҳаргача камида тўрт соат йўл юриш керак. Айни пайтда у ерга полициячилар ва қутқарувчилар йўл олган, мамлакат пойтахти Катмандудан вертолёт учиб кетган.
Эслатиб ўтамиз, 24 февраль куни Непал тоғларида Tara Air компаниясининг Покхарадан Жомсом шаҳрига парвозни амалга ошираётган кичик йўловчи самолёти қулаган эди. Бортдаги 23 кишининг барчаси ҳалок бўлди.
Изоҳ (0)