Britaniyaning Uinchester shahrida yashovchi 49 yoshli veb-dizayner Endi Leng go‘yoki unga okulist (ko‘z shifokori) tomonidan jo‘natilgan va juda katta shrift bilan yozilgan xatni suratga olib, uni o‘z Twitter’iga joyladi, deya xabar bermoqda TJournal. U suratni quyidagicha izohladi: “Xushxabarga o‘xshamaydimi, deyman”.
Ikki kun ichida fotosurat 37 ming marta retvit qilindi. Ba’zi foydalanuvchilar hazilni munosib baholadi, ba’zilar unga laqqa tushdi.
Lengning so‘zlariga ko‘ra, xat qalbaki, biroq u haqiqatda bo‘lgan voqeaga asoslangan: uning hamkasbi shunga o‘xshash maktubni NHS kasalxonalar tarmog‘idan olgan, u yirik shriftda terilgan edi.
Izoh (0)