Rossiyalik tergovchilar AZUR air aviakompaniyasiga tegishli Boeing 767-300 samolyotining Toshkentga favqulodda qo‘nishi bilan bog‘liq barcha tafsilotlarni o‘rganishga kirishdi. Bu haqda Rossiya Tergov qo‘mitasining G‘arbiy Sibir transportdagi tergov boshqarmasi matbuot xizmati xabar berdi.
“Hozirgi vaqtda yuz bergan voqeaning barcha tafsilotlarini aniqlashga qaratilgan tekshiruv tadbirlari olib borilmoqda”, — deyiladi boshqarma xabarida.
Boshqarma axborotida qayd etilishicha, Moskvadan Tailandning Pxuket shahriga uchib ketayotgan samolyot bortida 327 yo‘lovchi va ekipajning 9 nafar a’zosi bo‘lgan. Favqulodda qo‘nish natijasida hech kim jabrlanmagan, samolyotga zarar yetmagan.
Avvalroq Rossiyaning AZUR air aviakompaniyasiga tegishli layner Toshkent aeroportiga favqulodda qo‘ngani va hozircha “O‘zbekiston havo yo‘llari”dan texnik yordam so‘ramagani haqida xabar berilgan edi.
Izoh (0)