Tunis Respublikasi hukumati rahbari Habib as-Sis 26 yoshli Rida Yaxauining o‘z joniga qasd qilganidan keyin butun Tunis bo‘ylab o‘tkazilayotgan namoyishlar tufayli Shveysariyaga tashrifini muddatidan oldin to‘xtatadi, deb xabar qiladi “TASS”.
Bosh vazir 23-yanvar kuni Tunisga qaytib keladi va vazirlar mahkamasining favqulodda yig‘ilishini o‘tkazadi. Hozirda Shveysariyada rasmiy tashrif bilan bo‘lib turgan Habib as-Sis Davosdagi butunjahon iqtisodiy forumida ishtirok etmoqda.
Yaxaui ishga joylashtirish bo‘yicha navbatdan chiqarib tashlangandan keyin 16-yanvar kuni Kaserin shahri ma’muriyati binosi oldida o‘z joniga qasd qildi. Shundan so‘ng Tunisning bir necha shaharlarida namoyishlar bo‘lib o‘tdi. Politsiya ko‘zdan yosh oqizuvchi gazlardan foydalanishga majbur bo‘lmoqda. Kaserinda komendantlik soati joriy qilindi.
21-yanvar kuni Tunis IIV 300 ga yaqin namoyishchi Beja shahrida meriya binosini egallab olganini xabar berdi. Xuddi shunga o‘xshash hodisa Jenduba shahrida ham sodir bo‘ldi.
Izoh (0)