Rossiyada xavfli asteroidlarga qarshi kurash uchun vositalar yaratish yangi koinot dasturidan chiqarib tashlandi. Bu haqda Tjournal xabar bermoqda.
Sayyoraviy himoya markazi direktori Anatoliy Zaysevning fikricha, Rossiyaning mazkur yo‘nalishdagi izlanishlardan voz kechishi kutilmagan holat emas, chunki bunday tizimni yaratish juda katta mablag‘ni talab etadi. Bundan 10 yil avval ham “Roskosmos” Rossiya asteroidlarga qarshi kurash tizimini yaratmasligini ma’lum qilgandi.
Eslatib o‘tamiz, oldinroq rossiyalik olimlar Amerika koinot agentligi (NASA) yangi tashkil etgan asteroid va boshqa tahdidlardan sayyorani himoya qilishni muvofiqlashtirish bo‘limi bilan hamkorlik qilish niyatida ekanligi bildirilgandi.
Izoh (0)