“Namunali madaniyat va istirohat bog‘i” Respublika ko‘rik-tanlovi hamda Madaniyat va istirohat bog‘lari direktorlarining tajriba almashuv seminarlari o‘tkazildi. Bu haqda tanlov hamda seminar tashkilotchisi O‘zbekiston Respublikasi Madaniyat va sport ishlari vazirligi Respublika xalq ijodiyoti va madaniy-ma’rifiy ishlar ilmiy-metodik markazi matbuot xizmati “Daryo”ga xabar berdi.
Tanlov madaniyat va istirohat bog‘lari faoliyatini zamon talablari asosida yo‘lga qo‘yish, ish samaradorligini oshirish, bog‘larda badiiy havaskorlik va sport to‘garaklarini yo‘lga qo‘yishga eng asosiy maqsad qilib olingan.
“Namunali madaniyat va istirohat bog‘i” ko‘rik-tanlovi ikki bosqichda tashkil etilib, birinchi bosqichi, Toshkent shahri hamda viloyatlarda iyul—avgust oylarida, Respublika bosqichi 3-noyabr kuni Qoraqalpog‘iston Respublikasi Ellikqal’a tumani Jaloliddin Manguberdi nomidagi madaniyat va istirohat bog‘ida bo‘lib o‘tdi. Hakamlar hay’atining qaroriga ko‘ra
I tip madaniyat va istirohat bog‘lari o‘rtasida1-o‘rin – Navoiy viloyati Navoiy shahar Alisher Navoiy nomidagi madaniyat va istirohat bog‘i;2-o‘rin – Namangan viloyati Namangan shahridagi Zahiriddin Muhammad Bobur nomidagi hamda Qashqadaryo viloyati Alisher Navoiy nomidagi madaniyat va istirohat bog‘lari;3-o‘rin – Buxoro viloyati Buxoro shahridagi markaziy madaniyat va istirohat bog‘i;
II tip madaniyat va istirohat bog‘lari o‘rtasida1-o‘rin – Toshkent shahar Mirzo Ulug‘bek tumani Mirzo Ulug‘bek nomidagi madaniyat va istirohat bog‘i;2-o‘rin – Andijon viloyati Asaka tumani madaniyat va istirohat bog‘i;3-o‘rin – Sirdaryo viloyati Guliston shahar madaniyat va istirohat bog‘i;
III tip madaniyat va istirohat bog‘lari o‘rtasida1-o‘rin – Samarqand viloyati Pastdarg‘om tumani madaniyat va istirohat bog‘i;2-o‘rin – Namangan viloyati Chust tumani Mavlono Lutfulloh nomidagi madaniyat va istirohat bog‘i;3-o‘rin – Farg‘ona viloyati Quvasoy shahar “Kamolot” yoshlar madaniyat va istirohat bog‘i g‘olib deb topildi.
Shu bilan birgalikda ushbu bog‘da Madaniyat va istirohat bog‘lari direktorlari uchun tajriba almashuv seminari o‘tkazdi. Mazkur seminar bog‘larda o‘tadigan ommaviy-madaniy tadbirlarning saviyasini ko‘tarish, mavjud shart-sharoitni yanada yaxshilash, ularning hozirgi faoliyatini chuqur tahlil qilish, O‘zbekistondagi eng ilg‘or madaniyat va istirohat bog‘larida yo‘lga qo‘yilgan yangicha ish uslubini keng targ‘ib etish va o‘zaro tajriba almashish maqsadida tashkil etilgan.
Izoh (0)