«Намунали маданият ва истироҳат боғи» Республика кўрик-танлови ҳамда Маданият ва истироҳат боғлари директорларининг тажриба алмашув семинарлари ўтказилди. Бу ҳақда танлов ҳамда семинар ташкилотчиси Ўзбекистон Республикаси Маданият ва спорт ишлари вазирлиги Республика халқ ижодиёти ва маданий-маърифий ишлар илмий-методик маркази матбуот хизмати «Дарё»га хабар берди.
Танлов маданият ва истироҳат боғлари фаолиятини замон талаблари асосида йўлга қўйиш, иш самарадорлигини ошириш, боғларда бадиий ҳаваскорлик ва спорт тўгаракларини йўлга қўйишга энг асосий мақсад қилиб олинган.
«Намунали маданият ва истироҳат боғи» кўрик-танлови икки босқичда ташкил этилиб, биринчи босқичи, Тошкент шаҳри ҳамда вилоятларда июль—август ойларида, Республика босқичи 3 ноябрь куни Қорақалпоғистон Республикаси Элликқалъа тумани Жалолиддин Мангуберди номидаги маданият ва истироҳат боғида бўлиб ўтди. Ҳакамлар ҳайъатининг қарорига кўра
I тип маданият ва истироҳат боғлари ўртасида1-ўрин – Навоий вилояти Навоий шаҳар Алишер Навоий номидаги маданият ва истироҳат боғи;2-ўрин – Наманган вилояти Наманган шаҳридаги Заҳириддин Муҳаммад Бобур номидаги ҳамда Қашқадарё вилояти Алишер Навоий номидаги маданият ва истироҳат боғлари;3-ўрин – Бухоро вилояти Бухоро шаҳридаги марказий маданият ва истироҳат боғи;
II тип маданият ва истироҳат боғлари ўртасида1-ўрин – Тошкент шаҳар Мирзо Улуғбек тумани Мирзо Улуғбек номидаги маданият ва истироҳат боғи;2-ўрин – Андижон вилояти Асака тумани маданият ва истироҳат боғи;3-ўрин – Сирдарё вилояти Гулистон шаҳар маданият ва истироҳат боғи;
III тип маданият ва истироҳат боғлари ўртасида1-ўрин – Самарқанд вилояти Пастдарғом тумани маданият ва истироҳат боғи;2-ўрин – Наманган вилояти Чуст тумани Мавлоно Лутфуллоҳ номидаги маданият ва истироҳат боғи;3-ўрин – Фарғона вилояти Қувасой шаҳар «Камолот» ёшлар маданият ва истироҳат боғи ғолиб деб топилди.
Шу билан биргаликда ушбу боғда Маданият ва истироҳат боғлари директорлари учун тажриба алмашув семинари ўтказди. Мазкур семинар боғларда ўтадиган оммавий-маданий тадбирларнинг савиясини кўтариш, мавжуд шарт-шароитни янада яхшилаш, уларнинг ҳозирги фаолиятини чуқур таҳлил қилиш, Ўзбекистондаги энг илғор маданият ва истироҳат боғларида йўлга қўйилган янгича иш услубини кенг тарғиб этиш ва ўзаро тажриба алмашиш мақсадида ташкил этилган.
Изоҳ (0)