Buxarest shahridagi tungi klubda yuz bergan yong‘inda halok bo‘lganlar xotirasiga uch kunlik umummilliy motam e’lon qilinganligi munosabati bilan Ruminiyaning Toshkentdagi elchixonasida Hamdardlik kitobi ochildi. Bu haqda O‘zbekiston TIV matbuot xizmati xabar bermoqda.
3-noyabr kuni ushbu Hamdardlik kitobiga O‘zbekiston Tashqi ishlar vazirligi nomidan qayd kiritildi.
Eslatib o‘tamiz, Buxarestdagi tungi klublardan birida 30-oktabr kuni yuz bergan yong‘in oqibatida, so‘nggi ma’lumotlarga ko‘ra, 32 kishi halok bo‘lgan. Yong‘in xavfsizlik qoidalari talablariga rioya etilmagani oqibatida kelib chiqqan.
Izoh (0)