Amerikalik tadqiqotchilar kompyuter modellashtirishi yordamida prezident Jon Kennedi aynan Li Xarvi Osvald tomonidan o‘ldirilgani dalilini haqiqiyligini isbotladi. Bu haqda Journal of Digital Forensics, Security and Law jurnalida chop etilgan maqolada hikoya qilinadi.
Olimlar qotillikdan bir necha oy oldin Osvald miltiq ushlab turgan holatda (Kennedi shu qurol bilan o‘ldirilgan) tasvirlangan “Orqa hovlidagi surat” haqiqiyligini tasdiqladi. Oldinroq ayrim tadqiqotchilar Osvaldning turishi notabiiy ekanligi, soyalar va yorug‘lik aks etganligi tufayli surat montaj qilinganini ta’kidlab kelar edi. Kompyuter yordamida modellashtirish ayblanuvchining o‘zini tutishi hamda soya va yorug‘lik tasvirida hech qanday notabiiy holat yo‘qligini ko‘rsatdi.
“Orqa hovlidagi surat” qotilning turmush o‘rtog‘i Marina Osvald tomonidan 1963-yil mart oyi oxirida erining fotoapparatida olingan. Suratlardan birida Osvald so‘l yo‘nalishdagi The Militant va The Worker gazetalari hamda miltiq ushlagan holatda tasvirlangan. Merganning o‘zi qamoqqa olinganidan so‘ng suratlar qalbaki ekanligini da’vo qilgan edi.
Eslatib o‘tamiz, AQShning 35-prezidenti 1963-yil 22-noyabrda Dallasda halok bo‘lgandi. Uning qotili deb topilgan Li Xarvi Osvald ham ko‘p o‘tmay Jek Rubi tomonidan o‘ldirilgan.
Izoh (0)