Isroil politsiyasi 18-oktabr kuni Sharqiy Quddusda yangi xavfsizlik devorini qurishni boshladi. “Korrespondent.net” xabariga ko‘ra, mazkur devor Jabel Mukabar arab mavzesini yahudiylarning Armon Xanatsiv dahasidan ajratishi kerak.
Mahalliy ma’muriyat ma’lumotlariga ko‘ra, vaqtinchalik devorning umumiy uzunligi 300 metrni tashkli etishi mumkin. 18-oktabr kuni politsiya tomonidan balandligi 2,5 metr, kengligi 2 metr bo‘lgan dastlabki olti beton blok joylashtirilgan.
Xabar berishlaricha, so‘nggi bir necha kun davomida arablar mavzesidan qo‘shni dahaga qarata bir necha bor toshlar va ichida alanga oluvchi qorishmasi bor shisha idishlar uloqtirilgan.
Bundan tashqari, Jabel Mukabarda istiqomat qiluvchi uch kishi 13-oktabr kuni amalga oshirilgan hamda uch isroillikning o‘limiga sabab bo‘lgan teraktda qatnashgan, hujum qilgan shaxslar xavfsizlik kuchlari tomonidan o‘ldirilgan.
So‘nggi bir necha haftadan buyon Isroilda, ayniqsa, Iordan daryosining G‘arbiy sohili hamda Sharqiy Quddusda tartibsizliklar hamda to‘qnashuvlar to‘xtamayapti.
Isroil hukumati ma’lumotlariga ko‘ra, oktabr boshidan beri mamlakatdan 30 dan ortiq terakt yuz bergan, yetti nafar isroillik va 40 dan ortiq falastinlik halok bo‘lgan.
Izoh (0)