Sotheby’s auksion uyiga 1983—2005-yillarda rahbarlik qilgan va shu yil bahorida vafot etgan milliarder Alfred Taubmanga tegishli san’at asarlari kolleksiyasi kimoshdi savdosiga qo‘yiladi. Bu haqda Meduza xabar bermoqda.
Pikasso, Modelyani, Rotko, de Kuning kabi rangtasvir ustalarining besh yuzga yaqin kartinalaridan iborat kolleksiyaning umumiy qiymati 500 million dollar atrofida baholandi. Sotheby’s tomonidan tarqatilgan bayonotda ta’kidlanishicha, bu shu paytgacha savdoga qo‘yilgan eng qimmat xususiy kolleksiya ekan.
Taubman salkam 50 yil davomida to‘plagan san’at asarlari Sotheby’s uyushtiradigan to‘rtta kimoshdi savdosiga qo‘yiladi va ularning birinchisi Nyu-Yorkda, noyabr oyining o‘rtalarida bo‘lib o‘tadi. Auksiondan tushgan mablag‘ Alfred Taubman xayriya jamg‘armasini moliyalashtirishga sarflanadi.
Izoh (0)