Xalq deputatlari Toshkent viloyati kengashi 18-avgust kuni viloyatdagi markaziy issiqlik ta’minoti korxonalarining issiq suv va isitish xizmatlari bo‘yicha yangi tariflarini tasdiqladi.
Yangi tariflar viloyat “Issiqlik ta’minoti” MCHJ, “Angren shahar issiqlik ta’minoti”, Chirchiq shahar “Issiqlik ta’minoti” MCHJ, “Olmaliq shahar issiqlik ta’minoti” MCHJlar tomonidan iste’molchilarga issiqlik energiyasi va issiq suv ta’minoti xizmatlari tariflari taqdim etilgan xulosalari asosida 2025-yil 10-sentyabrdan boshlab qo‘llaniladi.
Aholi uchun narxlar joylashuviga qarab o‘rtacha 10 foizga, byudjet tashkilotlari va ulgurji iste’molchilar uchun 8 foizdan 95,3 foizgacha oshiriladi.
Quyida issiq suv va isitish xizmatlari tariflari qanday o‘zgarishi va amaldagi narxlar batafsil keltirildi.
Toshkent viloyatida issiq suv va issiqlik ta’minoti narxlari bundan avval 2025-yil fevralidan oshgan edi. Toshkent shahrida ham issiq suv va isitish xizmatlari narxi oshirilishi kutilmoqda. 2025-yil 1-oktyabrdan aholi uchun 15 foizga, yuridik shaxslar uchun 40 foizga, byudjet tashkilotlari uchun esa 19 foizga oshirilishi rejalashtirilgan.
Tarif narxlari 2024-yilda viloyatlarda bir marotaba Toshkentda esa ikki marotaba oshirilgan.
Izoh (0)