Janubiy Qozog‘iston viloyatida do‘stining to‘yida ikki kishini otib, o‘ldirib qo‘ygan shaxs aybiga iqror bo‘lib, politsiyaga taslim bo‘ldi. Bu haqda “Today.kz” xabar bermoqda.
Xabar berishlaricha, 4-sentabr kuni Sayram tumanining Mankent qishlog‘idagi to‘y marosimida kuyovning do‘stlaridan biri, 19 yoshli shaxs avtomashina ichidan to‘y kortejini olqishlash uchun o‘q otaman deb, ehtiyotsizlik oqibatida tepkini bosib yuborgan.
Natijada avtomashina haydovchisining yuziga jarohat yetkazgan, shuningdek, to‘yni kutib olishga chiqqan va mashina yaqinida bo‘lgan 23 va 26 yoshlardagi ikki qo‘shni ayolni otib qo‘ygan. Oqibatda bu ayollar o‘ziga kelmay, kasalxonada vafot etgan. Bundan tashqari, ayollarning yonida bo‘lgan, 2013-yilda tug‘ilgan bolalar ham tan jarohati olgan.
Politsiya ma’lumotlariga ko‘ra, ko‘rilgan choralar natijasida voqea joyidan yashiringan gumonlanuvchining shaxsi aniqlangan. Ma’lum vaqt o‘tib gumonlanuvchi aybiga iqror bo‘lib, politsiyaga o‘zi kelgan. Hozirgi vaqtda mazkur holat bo‘yicha “qotillik” moddasi bilan jinoyat ishi qo‘zg‘atilgan, “o‘qotar” hibsda saqlanmoqda.
Izoh (0)