Parij shimolida joylashgan aholi turar-joyi binosida 2-sentabrga o‘tar kechasi yuzaga kelgan yong‘in oqibatida sakkiz kishi, shu jumladan, ikki nafar bola halok bo‘ldi. Yana to‘rt kishi yaralangan va kasalxonaga joylashtirilgan, deb xabar beradi “TASS”.
Fransiya Ichki ishlar vazirligining rasmiy vakili Pyer-Anri Brandyening so‘zlariga qaraganda, binodagi yong‘in yovuz maqsad natijasida yuzaga kelgan bo‘lishi mumkin.
Uning ta’kidlashicha, Parijning 18-okrugida joylashgan aholi turar-joyida chorshanbaga o‘tar kechasi ikki marta yong‘in yuzaga kelgan. Birinchi marta mahalliy vaqt bo‘yicha 02:23 da vujudga kelgan yong‘in o‘t o‘chiruvchilar tomonidan bartaraf etilganidan ikki soat o‘tib, ikkinchi yong‘in yuzaga kelgan.
Yong‘inga qarshi 100 dan ortiq o‘t o‘chiruvchining kurashganligiga qaramasdan, binoning yuqori qavatlarida qolib ketgan bir necha kishini qutqarishning iloji bo‘lmadi. Olov ichida qolgan uydan jami yetti kishi qutqarib qolindi.
Hodisa yuzasidan surishtiruv ishlari olib borilmoqda.
Izoh (0)